މުޙައްމަދު ކަލީމް

އެސިސްޓެންޓް ކައުންސިލް އެގްޒެކެޓިވް

6500609

mohamed.kaleem@muraidhoo.gov.mv

06 ޑިސެމްބަރު 2005

އަލްފާޟިލް މުޙައްމަދު ކަލީމް، ތިލަދުންމަތީ އުތުރުބުރީ މުރައިދޫ އޮފީހާއި ގުޅިވަޑައިގަތީ 06 ޑިސެމްބަރ 2005 ގައި ވަގުތީ އޮޕަރޭޓަރެއްގެ ގޮތުގައެވެ. އޭގެފަހުން އޮފީހުގެ އެކި މަޤާމްތައް އަދާކުރެއްވުމަށްފަހު، މުރައިދޫ ކައުންސިލް އިދާރާގެ އެސިސްޓެންޓް ފައިނޭންސް އޮފިސަރގެ މަޤާމަށް 11 ޑިސެމްބަރ 2012 ގައި ބަދަލުކުރެއްވިއެވެ. އަދި 27 ފެބްރުވަރީ 2022 ގައި ކައުންސިލް އޮފިސަރގެ މަޤާމަށް ބަދަލުވިއެވެ. މުރައިދޫ ކައުންސިލްގެ އިދާރާގެ ކައުންސިލް އޮފިސަރގެ ހައިސިއްޔަތުން އަލްފާޟިލް މުޙައްމަދު ކަލީމް ކުރައްވަމުން ގެންދަވަނީ ޕްރޮޖެކްޓް އަދި ޕްލޭނިންގް އާއި ގުޅޭ މަސައްކަތްތަކެވެ. ނަމަވެސް އިދާރާގައި ފައިނޭންސް އޮފިސަރގެ މަޤާމްގައި މުވައްޒަފަކު ނެތުމުގެ ސަބަބުން ބަޖެޓާއި ގުޅޭ މަސައްކަތްތައް ބަލަހައްޓަވަމުން ގެންދަވަނީ މުޙައްމަދު ކަލީމްއެވެ. އެގޮތުން މި އިދާރާގައި މުޙައްމަދު ކަލީމް ކުރައްވާ މަސައްކަތްތަކުގެ ތެރޭގައި އިދާރާއަށް ލިބޭ ފައިސާ ބަލައިގަތުމާއި، ފައިސާ ޖަމާކުރުން އަދި ބަޖެޓް ތައްޔާރުކުރުމާއި ބަޖެޓާއި ގުޅޭ ރިޕޯރޓްތައް ތައްޔާރުކުރުމާއި ވިޔަ މޮޑިޔުލްގެ ތެރެއިން ކުރަންޖެހޭ ފައިސާގެ މަސައްކަތްތަކުގެ އިތުރުން ނީލަން ކިޔުމުގެ މަސައްކަތާއި ކައުންސިލްގެ ބެލުމުގެ ދަށުގައިވާ ޢިމާރާތްތައް މަރާމާތުކުރުމަށް ކުރަންޖެހޭ މަސައްކަތްތައް ހިމެނެއެވެ. މުޙައްމަދު ކަލީމް މެދުނުކެނޑި މި އިދާރާގައި މަސައްކަތްކުރައްވަމުން ގެންދަވާތާ 16 އަހަރަށް ވުރެ ގިނަ ދުވަސް ވެއްޖެއެވެ. މި މުއްދަތުގައި ކައުންސިލް އިދާރާގެ ވަގުތީ ޒިންމާދާރުވެރިޔާގެ ހައިސިއްޔަތުން ކައުންސިލްގެ އެންމެހާ ކަންކަން ބެލެހެއްޓުމުގެ ޒިންމާ 03 އޮކްޓޫބަރ 2011 އިން ފެށިގެން 30 އޮކްޓޫބަރ 2018 އާއި ހަމައަށް އަދާކުރައްވާފައިވެއެވެ. އަދި ވަގުތީ ސެކްރެޓަރީ ޖެނެރަލްގެ މަސްޢޫލިއްޔަތު 2020 ވަނަ އަހަރުގެ ފެބްރުވަރީ އިން ފެށިގެން 2021 ވަނަ އަހަރުގެ ނޮވެމްބަރު މަހާއި ހަމައަށް އަދާކުރައްވާފައިވެއެވެ. އަލްފާޟިލް މުޙައްމަދު ކަލީމް މި އިދާރާގައި އަދާކުރައްވާފައިވާ މަޤާމްތަކުގެ ތެރޭގައި ވަގުތީ އޮޕަރޭޓަރ، އޮޕަރޭޓަރ، ސެކްރެޓަރީ، އެސިސްޓެންޓް އެޑްމިނިސްޓްރޭޓިވް އޮފިސަރ އަދި އެސިސްޓެންޓް ފައިނޭންސް އޮފިސަރގެ މަޤާމް ހިމެނެއެވެ.