ޢަބްދުލް ވާޙިދު މުޙައްމަދު

ސެކްރެޓަރީ ޖެނެރަލް

10 ނޮވެމްބަރު 2021

މި އިދާރާގެ ސެކްރެޓަރީ ޖެނެރަލްގެ ގޮތުގައި އަލްފާޟިލް ޢަބްދުލް ވާޙިދު މުޙައްމަދު، ޖަވާހިރުމާގެ، ހއ.މުރައިދޫ މި އިދާރާއާއި ގުޅިވަޑައިގަތީ، 10 ނޮވެމްބަރ 2021 ގައެވެ. ކައުންސިލްގެ އިދާރާގެ އިދާރީ އެންމެ އިސް މުވައްޒަފުގެ ޙައިޞިއްޔަތުން އަލްފާޟިލް ޢަބްދުލް ވާޙިދު މުޙައްމަދު މި އިދާރާގައި ކުރައްވަމުން ގެންދަވާ މަސައްކަތްތަކުގެ ތެރޭގައި ކައުންސިލްގެ އިދާރާ ހިންގުމަށް ބޭނުންވާ އެންމެހާ އިދާރީ އިންތިޒާމުތައް ހަމަޖެއްސުމާއި އިދާރާގެ މަސައްކަތްތައް ހިންގާ ބެލެހެއްޓުމާއި، ކައުންސިލުން ނިންމާ ނިންމުންތައް ތަންފީޒުކުރުމާއި، ކައުންސިލް އިދާރާގެ މަސައްކަތްތަކާއި ގުޅޭ ގޮތުން ކައުންސިލްގެ ރައީސަށް ޖަވާބުދާރީވުމާއި ކައުންސިލްގެ އިދާރާއަށް މުވައްޒަފުން ނެގުމުގެ މަސައްކަތް އިދާރީ އެންމެ އިސްވެރިޔާގެ ޙައިޞިއްޔަތުން އިންތިޒާމްކޮށް ބެލެހެއްޓުމާއި، މުވައްޒަފުންގެ މަސައްކަތްތައް މޮނިޓަރކުރުމާއި، މުވައްޒަފުންގެ ޕާފޯމަންސް އެޕަރައިޒަލްގެ މަސައްކަތްތަކާއި، ކައުންސިލްގެ މަސައްކަތްތަކަށް ބޭނުންވާ ވަސީލަތްތައް ހޯދުމުގެ މަސައްކަތުގެ އިތުރަށް ކައުންސިލްގެ މާލީ ޒިންމާދާރުވެރިޔާގެ ޙައިޞިއްޔަތުން، ކައުންސިލްގެ މުދަލާއި ފައިސާއާ ގުޅޭ މަސައްކަތްތައް ބެލެހެއްޓުން ހިމެނެއެވެ. މިއިދާރާއާއި ގުޅިވަޑައިގަތުމުގެ ކުރިން އަލްފާޟިލް ޢަބްދުލް ވާޙިދު މުޙައްމަދު މަސައްކަތް ކުރެއްވީ އިމާރާތް ޑިޒައިންކުރުމާއި ޕްރޮޖެކްޓް މެނޭޖްމަންޓްގެ ދާއިރާގައެވެ. އެގޮތުން 02 އޮކްޓޯބަރ 2002 ން ފެށިގެން 15 އަހަރަށްވުރެ ގިނަ ދުވަސް މިނިސްޓްރީ އޮފް ނެޝަނަލް ޕްލޭނިންގް، ހައުސިންގް އެންޑް އިންފްރާ ސްޓްރަކްޗަރގެ އެކި މަޤާމްތަކުގައި މަސައްކަތް ކުރައްވާފައިވެއެވެ. އެމިނިސްޓްރީގައި އަދާކުރައްވާފައިވާ މަޤާމްތަކުގެ ތެރޭގައި ކޮންސްޓްރަކްޝަން އޮފިސަރ (ޓްރޭނީ)، އެސިސްޓެންޓް ކޮންސްޓްރަކްޝަން އޮފިސަރ، އާކިޓެކްޗަރަލް ޓެކްނީޝަން، އާކިޓެކްޓް އަދި ޕްރޮކިޔުމަންޓް މެނޭޖަރުގެ މަޤާމު ހިމެނެއެވެ. އަލްފާޟިލް ޢަބްދުލް ވާޙިދު މުޙައްމަދު އެންމެ ފަހުން އަދާކުރައްވާފައިވަނީ މިނިސްޓްރީ އޮފް ނެޝަނަލް ޕްލޭނިންގް، އެންޑް އިންފްރާ ސްޓްރަކްޗަރގެ އާކިޓެކްޓްގެ މަޤާމެވެ.